भालुको आक्रमणबाट खुम्बुमा टिमुर टिप्न गएका तामाङ घाइते
सोलुखुम्बु, साउन १६ । खुम्बुमा टिमुर टिप्न गएका लाक्पा तेन्जी तामाङ भालुको आक्रमणबाट घाइते भएका छन् । जिल्लाको पासाङल्हामु गाउँपालिका–३ बंकरमा रहेको चुम्बुङ जंगलमा टिम्बुर टिप्न गएका तामाङ भालुको आक्रमणबाट घाइते भएका हुन् ।
पासाङल्हामु गाउँपालिका–३ स्थाथी ठेगाना भएका ३१ वर्षीय तामाङलाई आज शुक्रबार बिहान अन्दाजी १०ः३५ बजेतिर भालुले आक्रमण गरेको जिल्ला प्रहरी कार्यालय सोलुखुम्बुले जनाएको छ । घाइते तामाङको हिमालय शेर्पा अस्पताल जम्फुतेमा उपचार भइरहेको छ ।
उनको दाहिने हात, निधार, नाक र टाउकोमा चोट लागेको छ भने बोल्नसक्ने सामान्य अवस्था रहेको सोलुखुम्बु प्रहरीले जनाएको छ ।-हिमाल समाचार
