संखुवासभाको खाँदबारीमा रहेको त्रिरल बुद्ध विहार तोडफोड
संखुवासभा । अज्ञात समूहले संखुवासभाको खाँदबारीमा रहेको त्रिरल बुद्ध विहार तोडफोड गरेको छ ।
आइतबार बिहान विहारको गेटको रड काटेर ढोका फोरी भित्र तोडफोड गरेको खाँदबारी शाक्य समाजले जनाएको छ ।
तोडफोडपछि दानपेटिकामा रहेको रकमसमेत लगेको प्रहरीले जनाएको छ।
आइतबार बिहान नियमित पूजाआजा र भजन गर्न पुगेका उपासक, उपासिकाले विहारको ढोका फुटेको देखेपछि प्रहरीलाई खबर गरेका थिए । भित्र रहेको बुद्धको मूर्ति भने केही भएको छैन ।
घटनाका बारेमा प्रहरीले अनुसन्धान थालेको छ ।-खांदबारी एफएम
