इलामको साखेजुङमा पल्टियो ट्रक,मेची राजमार्ग अवरुद्ध
जइलाम । इलाम नगरपालिका १, साखेजुङको मिलगोलाई छेउ वरपीपल गोलाईमा राति १ बजेतिर ट्रक पल्टिएर मेची राजमार्ग बाटो अवरुद्ध भएको छ । मालबाहक ट्रक माथिलो बाटोबाट पल्टिएर तल्लो बाटोमा आधा भागमा अडिएको छ ।
इलाम १ का वडाध्यक्ष गायत्रीराम बस्नेतले चालकको हात च्यापिएर घाइते भएकाले राति नै इलाम अस्पताल पठाइएको बताए । उनका अनुसार दुर्घटनापछि राति नै एक्स्काभेटर प्रयोग गरी भित्तो खोलेर साना गाडीसम्म चल्ने मार्ग खुलाइएको छ ।
ठूला गाडी पास हुन सकेका छैनन् ।-पालिका पेज
