सङ्खुवासभामा १६ वर्षीया किशोरीलाई पसल जाँदा बाटो छेकेर जबरजस्ती करणी
सङ्खुवासभा । १६ वर्षीया किशोरीमाथि जबरजस्ती करणी गरेको अभियोगमा एक जना युवकलाई पुर्पक्षका लागि कारागार चलान गरिएको छ। सङ्खुवासभा मकालु गाउँपालिका–३ हेदाङ्ना, मानेडाँडा गाउँटोल घर भएका ३७ वर्षीय धर्मबहादुर गजमेरलाई कारागार चलान गरिएको हो ।
२०८२ साल वैशाख महिनाको एक साँझ किशोरी घर नजिकै रहेको पसलमा थुक्पा किन्न गएका बेला बाटो छेकेर गजमेरले एकान्त स्थानमा लगी धाकधम्की दिई जबरजस्ती करणी गरेको पीडित पक्षको जाहेरीमा उल्लेख छ।
जाहेरीका आधारमा प्रहरीले उनलाई साउन ८ गते पक्राउ गरी अनुसन्धान पश्चात् जिल्ला अदालत संखुवासभामा पेस गरेको थियो। अदालतले २०८२ साल साउन ३० गतेको आदेशअनुसार उनलाई पुर्पक्षका लागि कारागार कार्यालय खाँदबारी चलान गरेको हो।
सूचना समन्वय अधिकृत प्रहरी निरीक्षक रामकुमार लामिछानेका अनुसार घटनाबारे थप अनुसन्धान भइरहेको छ।
