मोरङको रमितेबाट फर्किँदै गरेको मोटरसाइकल दुर्घटना, एक जनाको मृत्यु
मोरंग, ३१ साउन । मोरङको पर्यटकिय क्षेत्र रमीते बाट फर्कदै गरेको मोटरसाइकल मिक्लाजुङ गाउपालिकाको वडा नम्बर- ३ को अधिकारी चौकमा शनिबार दिउँसो दुर्घटनामा पर्दा एक जनाको मृत्यु भएको छ ।
ईलाका प्रहरी कार्यालय उर्लाबारीका अनुसार मे २ प ९०९७ नम्बरको मोटरसाइकल रमितेबाट उर्लाबारीतर्फ फर्किँदै गर्दा करिब दिउँसो ३:५० बजेतिर अनियन्त्रित भई पल्टिँदा दुर्घटना भएको हो । सो मोटरसाइकलमा अन्दाजी २८/२९ वर्षका चालक र पछाडि बसेका करिब १५/१६ वर्षका बालक सवार रहेका थिए।
दुर्घटनामा घाइते भएका दुवै जनालाई उपचारका लागि अरनिको अस्पताल उर्लाबारी लगिएकोमा उपचारका क्रममा एक जनाको मृत्यु भएको प्रहरीले जनाएको छ ।
घटनाबारे थप विवरण आउन बाँकी रहेको इलाका प्रहरी कार्यालय उर्लाबारीले जनाएको छ ।
