झापामा स्कर्पियो र मोटरसाइकल ठोक्किँदा मोटरसाइकल चालकको मृत्यु
झापा । झापाको बुद्धशान्ति–४ बर्नेस्थित मेची राजमार्गमा आज दिउँसो भएको सडक दुर्घटनामा एक मोटरसाइकल चालकको मृत्यु भएको छ।
दिउँसो करिब ३:३० बजे इलामबाट बुधबारेतर्फ आउँदै गरेको भारतीय नम्बर प्लेट बीआर ५५८५०० को स्कोरपियो र विपरीत दिशातर्फ जाँदै गरेको मोटरसाइकल प्र.१–०१–०१६प.३६६१ एक आपसमा ठोक्किँदा दुर्घटना भएको हो।दुर्घटनामा मोटरसाइकल चालक बुद्धशान्ति–१ बस्ने ४६ वर्षीय ठाकुर अधिकारी गम्भीर घाइते भएका थिए।
उनलाई उपचारका लागि बीएण्डसी अस्पताल, बिर्तामोड पुर्याइए पनि साँझ करिब ५:४० बजे उपचारको क्रममा उनको मृत्यु भएको जिल्ला प्रहरीले जनाएको छ।
