नेपाल प्रहरी कार्यदक्षता मूल्याङ्कन २०८२ अन्तर्गत दोस्रो दिनको निरीक्षण भ्रमण सम्पन्न
विराटनगर, भदौ ०९ गते । “नेपाल प्रहरी कार्य दक्षता मूल्याङ्कन (Police Baton) २०८२” अन्तरगत भदौ ९ गते नेपाल प्रदेश प्रहरी कार्यालय धरान, जिल्ला प्रहरी कार्यालय झापा, विपद व्यवस्थापन गुल्म चन्द्रगढी झापा र प्रहरी चौकी बुधबारे मोरङको निरीक्षण भ्रमण सम्पन्न भएको छ ।
“नेपाल प्रहरी कार्यदक्षता मूल्याङ्कन (Police Baton)” निरीक्षण अनुगमनको क्रममा पाल्नु भएका नेपाल प्रहरी प्रधान कार्यालय, प्रदेश समन्वय विभागका प्रमुख प्रहरी अतिरिक्त महानिरीक्षक डा. मनोज कुमार के.सी. सहितको केन्द्रिय मुल्याङकन टोलीबाट कार्यालय भवन, सम्पूर्ण शाखाहरु, जनशक्ति व्यवस्थापन, अभिलेख व्यवस्थापन, प्रहरी कार्य, प्रशासनिक गतिबिधि, अपराध अनुसन्धानको अवस्था तथा विश्लेषण, शान्ती सुरक्षाका लागि प्रहरीबाट थालनि गरिएका नविनतम कार्य लगायत विविध विषयमा निरीक्षण तथा अवलोकन भएको थियो ।
यसै गरी निरीक्षण टोलीले विपद व्यवस्थापन गुल्म चन्द्रगढीद्वारा विपद उद्धार सम्बन्धि प्रदर्शन गरिएको डेमोस्ट्रेसनको अवलोकलन गर्नु भएको थियो भने प्रहरी चौकी बुधबारे मोरङमा स्थानिय जनप्रतिनिधि, नागरिक समाज, बुद्धिजिवि लगायतका महानुभावहरुसंग भेटघाट तथा अन्तरक्रिया समेत गर्नु भएको थियो ।
