‘कोशी प्रदेश आमसञ्चार विधेयक’ लाई पत्रकारिता र अभिव्यक्ति स्वतन्त्रता माथि प्रहार भएको भन्दै तेह्रथुमका पत्रकारहरूले जनाए विरोध
तेह्रथुम । कोशी प्रदेश सरकारले प्रदेशसभामा दर्ता गरी अघि बढाएको ‘कोशी प्रदेश आमसञ्चार विधेयक’ लाई पत्रकारिता र अभिव्यक्ति स्वतन्त्रता माथि प्रहार भएको भन्दै तेह्रथुमका पत्रकारहरूले विरोध जनाएका छन् ।
नेपाल पत्रकार महासंघ, तेह्रथुमको आयोजनामा आज भदाै १२ गते जिल्ला प्रशासन कार्यालय अगाडि पत्रकारहरुले धर्ना दिएका हुन ।
धर्ना कार्यक्रममा सहभागी पत्रकारहरूले विधेयकमा व्यवस्था गरिएको प्रेस स्वतन्त्रता विरोधी प्रावधान खारेज गर्नुपर्ने माग गरेका थिए ।
नेपाल पत्रकार महासंघ, कोशी प्रदेश समितिले विधेयकमा भएका प्रेस स्वतन्त्रता विरोधी प्रावधान खारेज गर्न माग गर्दै चरणबद्ध आन्दोलन गर्ने घोषणा यस अघि नै गरिसकेको छ ।
