झापामा मोटरसाइकल दुर्घटना हुँदा एकजनाको मृत्यु
झापा । झापामा मोटरसाइकल दुर्घटना हुँदा एकजनाको मृत्यु भएको छ ।
झापा जिल्ला प्रहरी कार्यालयका अनुसार कनकाई नगरपालिका–२ का ६० वर्षीय सोमनाथ दंगालको मृत्यु भएको छ।
शुक्रबार साँझ करिब ७:३० बजे पूर्व–पश्चिम राजमार्गअन्तर्गत कनकाई–७ स्थित बिरिङ पुल नजिक बिर्तामोडबाट सुरुङ्गातर्फ जाँदै गरेको प्र १–०१०१३ प ०४३३ नम्बरको मोटरसाइकल अनियन्त्रित भई दुर्घटना भएको थियो। उक्त दुर्घटनामा मोटरसाइकल चालक, कनकाई–२ का ३८ वर्षीय दिनेश कुमार थपलिया र पछाडि सवार दंगाल दुवै घाइते भएका थिए।
उपचारका लागि बीएण्डसी अस्पताल बिर्तामोडमा भर्ना गरिएकोमा आज बिहान ६ बजे दंगालको मृत्यु भएको प्रहरीले जानकारी दिएको छ।
