अंशु गौतमको न्यायका लागि लेटाङ जेन–जीद्वारा गृह मन्त्रालयमा ज्ञापनपत्र
लेटाङ । मोरङ्को लेटाङ–२ की १३ वर्षीया बालिका अंशु गौतमको निर्मम हत्या प्रकरणमा शीघ्र, निष्पक्ष र पारदर्शी छानबिनको माग गर्दै लेटाङ जेन–जी ले आज सिंहदरवारस्थित गृह मन्त्रालयमा पुगि गृहमन्त्री ओमप्रकास अर्याललाई ज्ञापन पत्र बुझाएको छ।
ज्ञापनपत्रमा डीएनए परीक्षणको रिपोर्ट तत्काल सार्वजनिक गर्न, अनुसन्धान छरितो र निष्पक्ष रूपमा अघि बढाउन तथा दोषी पहिचानका लागि प्राविधिक जनशक्ति परिचालन गर्न माग गरिएको छ। साथै, समुदाय र नागरिकलाई संयमित रही अनुसन्धानमा सहयोग गर्न पनि आग्रह गरिएको छ।
लेटाङ जेन–जीले अंशुको हत्या समाजको सामूहिक पीडा भएको बताउँदै न्यायका लागि सबै एकजुट हुन आह्वान समेत गरेको छ।-बेतना दैनिक
