मोरङको बूढीगंगा गाउँपालिकाका महिलालाई डकर्मी तालिम
विराटनगर,२५ कातिक । मोरङको बूढीगंगा गाउँपालिकाका विपन्न समुदायका महिलाहरुलाई स्वरोजगार बनाउन १० दिने डकर्मी तालिम सुरु भएको छ । बूढीगंगा गाउँपालिका वडा नम्बर ४ को समन्वयमा विपन्न महिलाहरुलाई स्वरोजगार बनाउन डकर्मी तालिम सञ्चालन गरिएको हो ।
राष्ट्रिय अपांग पुर्नस्थापना समाज काठमाडौंको आयोजना तथा स्टान्डर्ड चार्टर्ड बैंकको सौजन्यमा सोमबारबाट सुरु भएको तालिमको बूढीगंगा गाउँपालिकाका अध्यक्ष जितनारायण थापा मगरले उद्घाटन गर्नुभयाे । उद्घाटन समारोहलाई सम्बोधन गर्दै अध्यक्ष मगरले विपन्न समुदायका महिलालाई लक्षित गरी आयोजित तालिम उपलब्धिमूलक हुनेमा विश्वास व्यक्त गर्नुभयाे ।
सीपयुक्त व्यक्तिले मात्रै राम्रो आयआर्यन गर्न सक्ने भन्दै अध्यक्ष मगरले भन्नुभयाे, ‘हातमा सीप भएमा कोही पनि भोकै बस्नु पर्दैन । यो तालिमपछि महिलाहरु आयआर्जन गरी स्वरोजगार हुनेछन् भन्ने मैले विश्वास लिएको छु ।’
नेपाल इन्भेष्टमेन्ट बैंक लिमिटेडको सहयोगमा सञ्चालन गरिएको उक्त तालिममा ८ जना महिला र १० जना पुरुष गरी कुल १८ जना सहभागी रहेका छन् ।
