इलाका प्रहरी कार्यालय दमक तोडफोड, आगजनी र हतियारहरु लुटपाट तथा उपद्रव गर्ने व्यक्तिहरु पक्राउ
झापा । इलाका प्रहरी कार्यालय दमक तोडफोड, आगजनी र हतियारहरु लुटपाट तथा उपद्रव गर्ने व्यक्तिहरु पक्राउ परेका छन् ।
गत भदौ २४ गते झापाको इलाका प्रहरी कार्यालय दमकको कार्यालय, साना ठुला सवारी साधनहरुमा ढुंगामुढा, तोडफोड, आगजनी गर्ने तथा प्रहरीको बिभिन्न हातहतियारहरु लुटपाटमा संलग्न रहेका निम्न अनुसारका व्यक्तिहरु पक्राउ गरिएको कोशी प्रदेश प्रहरी कार्यालय विराटनगरले जनाएको छ ।
१. हातहतियारहरु लुटपाट गर्ने इलाम चुलाचुली गाउपालिका-३ पेल्टीमारीका १९ बर्षीय सुजल राई, दमक नगरपालिका-७ का १९ बर्षीय गणेश शर्मालाई पक्राउ गरी हातहतियार तथा खरखजना र चोरी तथा डाँका सम्बन्धी कसुरमा थप अनुसन्धान भईरहेको ।
२. कार्यालयमा ढुंगामुढा, तोडफोड, आगजनी गर्ने पाँचथर मिक्लाजुङ गाउँपालिका-५ घर भई दमक नगरपालिका-१ बस्ने २१ बर्षीय साजन लुहागुन, दमक-३ का १९ बर्षीय रियाज सिलवाल, इलाम चुलाचुली-३ का २२ बर्षीय नकुल अधिकारी, दमक-१ का ३४ बर्षीय दिपचन महतो, दमक-६ का २४ बर्षीय लोमस कटुवालको आपराधिक उपद्रव सम्बन्धी कसुरमा थप अनुसन्धान भईरहेको ।
३. दमक नगरपालिका-३ स्थित भुटानी शर्णार्थी सुरक्षा वेश क्याम्पमा रहेको सशस्त्र प्रहरी बलको SLR राईफल लुटपाटमा संलग्न पाँचथर फाल्गुनन्द गाउँपालिका-७ घर भई दमक-३ बस्ने १७ वर्षीय आदित्य लिम्वुको हात हतियार खर खजना सम्वन्धि कसुरमा थप अनुसन्धान भईरहेको ।
