ऐेतिहासिक र साँस्कृतिक सम्पदाको संरक्षण गर्न नेपाली सेनाले ‘विजयपुरगढी–सांगुरीगढी दौड’ तथा पदयात्रा गर्ने
धनकुटा । धनकुटा र सुनसरीकाे ऐतिहासिक तथा साँस्कृतिक सम्पदाकाे संरक्षण एवम् प्रवर्दनका लागि नेपाली सेनाले ३०४ औँ पृथ्वी जयन्ती तथा राष्ट्रिय एकता दिवस २०८२ को अवसरमा विशेष कार्यक्रम आयोजना गर्ने भएको छ ।
नेपाली सेनाको पूर्वी पृतना हे.क्वा. तथा नं २ बाहिनी अड्डाको संयोजनमा, धनकुटा स्थित भीमदल गण र सुनसरी स्थित भगवतीदल गणको पहलमा कार्यक्रम आयोजना हुन लागेको सेनाले जनाएको छ । उक्त कार्यक्रम धरान उपमहानगरपालिका, धनकुटा नगरपालिका, साँगुरीगढी गाउँपालिका र पाख्रीबास नगरपालिकाको विशेष सहयोगमा सञ्चालन गरिने आयेजकले जनाइएको छ।
पुस २७ गते ‘विजयपुरगढी–सांगुरिगढी दौड’ आयोजना गरिने छ भने, पुस २७ गतेदेखि ३० गतेसम्म‘विजयपुरगढी–सांगुरिगढी–पाख्रीबास निशान पदयात्रा’ आयोजना हुने कार्यक्रम तय गरिएको सेनानी पार्वती थापाले जानकारी दिनुभयो ।
ऐतिहासिक स्थल विजयपुरगढी, साँगुरीगढी र पाख्रीबास क्षेत्रको पहिचान, संरक्षण तथा प्रवर्द्धन गर्नुका साथै राष्ट्रिय एकता र देशभक्तिको सन्देश फैलाउने उद्देश्यले कार्यक्रम आयोजना गर्न लागिएको नेपाली सेनाले जनाएको छ। कार्यक्रममा सबैलाई सहभागी हुन सेनाले अनुरोध गरेको छ ।
