आजबाट तेस्रो त्रिबेणी कप खुल्ला पुरुष भलिबल प्रतियेगिता हुने
बिनोद भण्डारी/धनकुटा(राजारानी), २९ पुष ।धनकुटाको चौबिसे गाउँपालिकाको सहयोगमा आजबाट त्रिबेणी खेलकुद समितिले तेस्रो त्रिवेणि कप पुरुष खुल्ला भलिबल प्रतियोगिता हुने भएको छ ।
पालिकाको वडा नं ४ र ५ को संगमस्थल त्रिवेणि धामको खेल मैदानमा हुनगईरहेको यस प्रतियोगितामा कुल ६ वटा टिमहरुले प्रतिस्पर्धा गर्नेछ ।
उक्त खेल माघ एक गते समापन हुनेछ।
प्रथम उपाधी प्राप्त गर्ने टिमले रु एक लाख एघार हजार एकसय एघार र दोस्रो स्थान हासिल गर्ने टिमले ले छैसठ्ठी हजार छ सय छ रुपैयाँका साथै ट्रफी मेडल र प्रमाणपत्र प्राप्त गर्नेछ्न। साथै अन्य विधागत पुरस्कार पनि प्रदान गरिने आयोजक समितिका अध्यक्ष गोबिन्द बहादुर बस्नेतले जानकारी दिनुभयो ।
देशकै अनुपम त्रिवेणिधामको प्रचारप्रसार गर्न , खेलाडी उत्पादन साथै पर्यटनको प्रचुर सम्भावना भएकोले सहयोग पुर्याउने हेतुले पालिकाले आर्थिक तथा भौतिक सहयोग गर्दै आई रहेको पालिका अध्यक्ष राजकुमार चेम्जोङले जानकारी दिनुभयो।
