अटो दुर्घटना हुँदा १० जना घाइते
सल्यान । सल्यानको शारदा नगरपालिका–२ खलंगा स्थित खलंगा-श्रीनगर सडक खण्डमा अटो दुर्घटना हुँदा १० जना घाइते भएका छन्।
घाइतेमध्ये दुई जनाको अवस्था गम्भीर, तीन जनाको अवस्था मध्यम र पाँच जनाको अवस्था सामान्य रहेको प्रहरीले जनाएको छ।
सोमबार दिउँसो करिब २ बजे श्रीनगरबाट खलंगातर्फ जाँदै गरेको रा.१ ह २१९५ नम्बरको अटो अनियन्त्रित भई सडकबाट करिब ५०० मिटर तल खसेको जिल्ला प्रहरी कार्यालय सल्यानले जनाएको छ।
अटोमा चालकसहित ११ जना सवार थिए ।
