धनकुटामा फागुन २१ गते प्रतिनिधिसभा निर्वाचनको लागि कति छन् मतदाता ?
धनकुटा । फागुन २१ गते प्रतिनिधिसभा निर्वाचन हुँदैछ ।
आगामी फागुन २० गतेसम्म १८ वर्ष पूरा हुनेहरूले मताधिकार प्रयोग गर्न पाउनेछन् । निर्वाचन आयोगका अनुसार फागुन २१ को निर्वाचनमा १ करोड ७९ लाख ३ हजार ९९ जना मतदाताले मत खसाल्न पाउनेछन् ।
७७ जिल्लाका १६५ निर्वाचन क्षेत्रमै कति मतदाता छन् भनेर निर्वाचन आयोगले विवरण सार्वजनिक गरेको छ ।
जसअनुसार धनकुटामा ५९,४८३ पुरुष र ५८,९४२ महिला गरि कुल १ लाख १८ हजार ४ सय २५ मतदाता रहेका छन् ।
धनकुटामा १ सय १९ मतदान स्थलमा १ सय ६६ मतदान केन्द्र रहेको आयोगले जनाएको छ ।
