एमाले निकट नेशनल भोलिन्टियर फोर्समा योगराज लाबुङ
उर्लाबारी । नेकपा एमाले निकट नेशनल भोलेनटियर फोर्सको जिल्ला प्रमुख कमान्डरमा उर्लाबारीका युवा व्यवसायी योगराज लाबुङ लिम्बू चयन भएका छन् ।
मंगलबार विराटचौकमा आयोजित भोलेन्टियर फोर्सको प्रथम जिल्ला भेलाबाट लाबुङलाई कमान्डर र मिक्लाजुङका रुद्र भण्डारी लाई सह कमान्डर चयन गरिएको हो ।
केन्द्रीय प्रमुख कमान्डर पुष्पराज श्रेष्ठको प्रमुख आतिथ्य रहेको भेलाबाट ६५ सदस्यीय जिल्ला समिति गठन गरिएको युवा संघका जिल्ला सदस्य केशव रेग्मीले जानकारी दिए ।
नव गठित फोर्सले आसन्न निर्वाचनमा मोरङका ६ वटै क्षेत्रका एमाले उम्मेदवार लाई विजय गराउन भुमिका निर्वाह गर्ने जनाइएको छ । साथै निर्वाचन परिचालनमा खटिएका नेता कार्यकर्ताको सुरक्षा मा सहजिकरण गर्न गाउँ/नगरमा सहजीकरण गर्ने नवगठित फोर्सका जिल्ला सदस्य हिमाल बोहराले बताए ।
