झापा र मोरङबाट लागू औषध ब्राउन सुगर सहित ३ जना पक्राउ
विराटनगर, माघ २२ गते । झापा र मोरङ जिल्लाको विभिन्न स्थानहरुबाट लागू औषध ब्राउन सुगर सहित ३ जनालाई प्रहरीले पक्राउ गरेको छ ।
माघ २१ गते झापाको इलाका प्रहरी कार्यालय अनारमनी र लागु औषध नियन्त्रण ब्युरो काकडभिट्टाको प्रहरी टोलीले बिर्तामोड नगरपालिका-२ चैतुबारी स्थितबाट लागूऔषध ओसार पसारमा संलग्न बिर्तामोड-४ का शुसिल वि.क र प्रकाश वि.कलाई ६ ग्राम ८३० मिलिग्राम ब्राउन सुगर सहित पक्राउ गरेको छ ।
सोही दिन मोरङको इलाका प्रहरी कार्यालय रानी र लागु औषध नियन्त्रण ब्यूरो विराटनगरको प्रहरी टोलीले बिराटनगर-१६ दरैया स्थितबाट सुन्दरहरैचा-५ का खड्क नारायण चौधरीलाई ५ ग्राम ५० मिलिग्राम ब्राउन सुगर सहित पक्राउ गरेको छ ।
