मोरंगको उर्लाबारीका १२ वर्षीय बालिका सम्पर्कविहीन
मोरंग । मोरंगको उर्लाबारी ३ मंगलबारे रामनगर टोल निवासी सुरज बुढाथोकीकी १२ वर्षीया छोरी सम्पर्कविहीन भएकी छिन् ।
मंगलबार दिउसो करिव १ बजे चन्दनेस्थित साथीको घरमा जन्मोत्सव मनाउन भनि घरबाट हिडेकी जमुना बुढाथोकी सम्पर्कविहिन भएको परिवारले जनाएको छ ।
किशोरीका बुबा सुरजका अनुसार जमुना दिउसो उनकी साथी सुस्मिता तामाङसँग साँझसम्म फर्किने भन्दै चन्दनेस्थित घरमा गएकी थिईन् । तर साँझसम्म छोरी घरमा नआएपछि बुढाथोकी परिवार चिन्तित बनेको छ । परिवारले हिजोदेखि नै जमुनाको खोजी गरेतापनि हालसम्म समेत उनी सम्पर्कमा आउन सकेकी छैनन् ।
उता तामाङको घरमा भने हाल सुनसान देखिएको सुरजले बताएका छन्। उनका अनुसार अहिले दुवै किशोरीहरू सम्पर्कविहीन बनेका छन्। तस्विरमा देखिएकी जमुनालाई काहिकतै कसैले देख्नुभएमा नजिकैको प्रहरी कार्यालयमा खबर गरि सहयोग गरिदिनुहुन अनुरोध गरिएको छ ।
