देश जलाउने र जोगाउनेलाई चिन्नुपर्छः राजेन्द्र राई
धनकुटा । नेकपा एमालेका केन्द्रिय सदस्य एवं धनकुटाबाट प्रतिनिधि सभा सदस्य पदका उम्मेद्वार राजेन्द्र राईले देश जलाउने र देश जोगाउने शक्ति चिनेर भोट हाल्न मतदाताहरूलाई आग्रह गर्नुभएको छ ।
धनकुटाको भीरगाउँमा आज चुनावी कार्यक्रमलाई संवोधन गर्दै नेता राईले यस्तो बताउनुभएको हो । एमालेले देशको विकास र जनताको मुहारमा खुशी ल्याउन धेरै काम गरेको उदाहरण दिँदै उहाँले एमालेलाई देश जोगाउने र विकासलाई गति दिने शक्तिको रुपमा चित्रण गर्नुभयो ।
भदौं २४ मा देशभर विध्वंश मच्चाइँदा ठूलो जनधनको क्षति भएको स्मरण गर्दै उहाँले देश जलाउने यस्ता शक्तिलाई जनताले चिन्नुपर्ने धारणा राख्नुभयो ।
कार्यक्रममा एमाले केन्द्रिय सदस्य एवं समानुपातिक उम्मेद्वार तारा तितुङ, एमाले धनकुटाका उपाध्यक्ष चिन्तन तामाङ, एमाले नेता चन्द्रलाल तामाङ र टिकाराम मगरले मुलुकलाई सही मार्गमा अघि बढाउन सूर्य चिन्हमा मतदानका लागि सबैलाई आग्रह गर्नुभएको छ ।
