धनकुटामा हाईस बस दुर्घटना,७ जना घाइते(नामावली सहित)
धनकुटा । धनकुटामा हाईस बस दुर्घटना हुंदा ७ जना घाइते भएका छन् ।
धनकुटा नगरपालिका १ निगाले स्थित कोशी लोक मार्गमा काठमाण्डौबाट हिले तर्फ आउदै गरेको ग २ ख १९५७ नम्बरको हाईस आफै अनियन्त्रित भई बाटोबाट अन्दाजी १० फिट तल खसि दुर्घट्ना भएको हो ।
घाइतेको नाम,ठेगाना र अवस्था –
१. जिल्ला धनकुटा धनकुटा नपा १बस्ने वर्ष ३६को रामचन्द्र तामाङको टाउकोमा चोट अवस्था माध्यम जिल्ला अस्पताल धनकुटामा सामान्य उपचार पश्चात थप उपचारको लागि बिपि कोईराला स्वास्थ्य बिज्ञान प्रतोष्ठान घोपा धरान रेफर भएको
२. जिल्ला धनकुटा पाख्रीबास नपा -६ बस्ने वर्ष ३९को डिक बहादुर मगरको आँखाको डिलमा चोट अवस्था सामान्य ।
३. जिल्ला धनकुटा धनकुटा नपा-१ बस्ने वर्ष १८को अभिषेक मगर टाउकोमा चोट अवस्था सामान्य
४. जिल्ला धनकुटा धनकुटा नपा-१ हिले बस्ने वर्ष ३५को युमेश बिकको बाँया खुट्टामा चोट अवस्था मध्यम
५. ऐ.ऐ. बस्ने युमेश बिकको छोरी वर्ष १३की निष्मा बिकको मुखमा सामान्य चोट ।
६. ऐ.ऐ. बस्ने युमेश बिकको श्रीमती वर्ष ३५की कल्पना बिक अनुहार र नाकमा सामान्य चोट
७. जिल्ला धनकुटा पाख्रीबास नपा २ बस्ने वर्ष ४० को झमक बहादुर आलेको अनुहारमा सामान्य चोट ।
घाईतेहरुको उपचारको लागि जिल्ला अस्पताल धनकुटामा ल्याई उपचार भई रहेको र चालक जिल्ला हुम्ला घर भई हाल जिल्ला काठमण्डौ काठमण्डौ मनपा-९ एकान्त कुना बस्ने वर्ष ३९को बिजय कार्की प्रहरी चैकी हिलेको नियन्त्रणमा रहेको साथै गाडी घट्ना स्थलमा नै रहेको जिल्ला प्रहरी कार्यालय धनकुटाले जनाएको छ ।
