प्रतिनिधि सभा निर्वाचन: १६५ वटै क्षेत्रको नतिजा सार्वजनिक, कसले कति सिट जिते ?
काठमाडौँ । प्रतिनिधि सभा निर्वाचन अन्तर्गत प्रत्यक्षतर्फका सबै १६५ वटै निर्वाचन क्षेत्रको अन्तिम मत परिणाम सार्वजनिक भएको छ । सार्वजनिक नतिजा अनुसार राष्ट्रिय स्वतन्त्र पार्टी (रास्वपा) ले देशभर ऐतिहासिक जित हासिल गरेको छ ।
निर्वाचन आयोगले दिएको जानकारी अनुसार राष्ट्रिय स्वतन्त्र पार्टीले प्रत्यक्षतर्फ १२५ सिट जित्दै पहिलो दल बनेको छ ।
त्यस्तै, दोस्रो स्थानमा रहेको नेपाली कांग्रेसले १८ सिट जित्न सफल भएको छ भने नेकपा (एमाले) ले ९ सिट जितेको छ ।
तेस्रो स्थानमा रहेको नेपाली कम्युनिस्ट पार्टीले ८ सिट जितेको छ भने नयाँ उदय भएको श्रम संस्कृति पार्टीले ३ सिट जित्दै उत्साहजनक उपस्थिति जनाएको छ ।
त्यसैगरी, राष्ट्रिय प्रजातन्त्र पार्टीले १ सिट जितेको छ भने एक जना स्वतन्त्र उम्मेदवार पनि विजयी भएका छन् । म्याग्दी १ बाट पूर्व शिक्षामन्त्री महावीर पुन स्वतन्त्र उम्मेदवारी दिँदै विजयी भएका हुन् ।
यससँगै देशभरका १६५ निर्वाचन क्षेत्रको प्रत्यक्षतर्फको मतगणना कार्य समाप्त भएको छ ।
