उदयपुरमा ट्र्याक्टर दुर्घटना,चालकको घटनास्थलमै मृत्यु
उदयपुर । उदयपुरको बेलका नगरपालिका-स्थित भागलपुरमा आइतबार ट्र्याक्टर दुर्घटनामा परी चालक शोकिन्दर चन्द्रवंशीको घटनास्थलमै मृत्यु भएको छ।
स्थानीय अनिल गुप्ताको ट्र्याक्टर लिएर राजेश यादवको खेत जोत्न गएका चन्द्रवंशी कोशीको बगरबाट किनाराको डिल चढ्ने क्रममा ट्र्याक्टर पल्टिँदा दुर्घटना भएको बताइएको छ।
दुर्घटनापछि खेत धनी खेत हेर्न जाँदा ट्र्याक्टर पल्टिएको अवस्थामा भेटिएपछि घटनाबारे जानकारी भएको स्थानीयले बताएका छन्।
प्रहरीले घटनाबारे थप अनुसन्धान गरिरहेको छ।
