झापा, मोरङ, सुनसरी र इलामबाट लागू औषध सहित ९ जना पक्राउ
विराटनगर, चैत ८ । झापा, मोरङ, सुनसरी र इलामबाट चैत ०७ गते लागू औषध सहित ९ जनालाई प्रहरीले पक्राउ गरेको छ ।
जिल्ला प्रहरी कार्यालय सुनसरी र अस्थायी प्रहरी पोष्ट बसपार्कले धरान-१५ का मिलन तामाङ र झापाको अर्जुनधारा नगरपालिका-१० का सुवास राईलाई २ ग्राम १४९ मिलिग्राम ब्राउन सुगर सहित र अस्थायी प्रहरी चौकी श्यामचोकले धरान- १५ का पवन सापकोटालाई ट्रामाडोल ३०५ क्याप्सुल र स्पास्पेन ३१० ट्याब्लेट सहित नियन्त्रणमा लिएको छ ।
त्यस्तै बिर्तामोड-७ का सन्तोष प्रसाईलाई ४४० मिलिग्राम ब्राउन सुगर सहित र इलाम नगरपालिका-८ का बिबेक लिम्बु, माई नगरपालिका-४ का सिनास भट्टराई, इलाम नगरपालिका-६ का सुजन लिम्बु र झापा अर्जुनधाराका गणेश बराईलीलाई २८० मिलिग्राम ब्राउन सुगर सहित नियन्त्रणमा लिएको हो ।
यसैगरी इलाका प्रहरी कार्यालय रानीले बिराटनगर-१५ का मौसम राज बाणालाई ३५० मिलिग्राम ब्राउन सुगर सहित नियन्त्रणमा लिएको छ ।
पक्राउ परेका उनिहरुको थप अनुसन्धान भईरहेको छ ।
