झापाको बिर्तामोडमा आफ्नै नाबालक छोरालाई मरणासन्न हुनेगरी पिट्ने आमा पक्राउ
झापा । झापाको बिर्तामोडमा आफ्नै नाबालक छोरालाई मरणासन्न हुनेगरी पिट्ने आमालाई प्रहरीले नियन्त्रणमा लिएको जनाएको छ ।
प्रहरीका अनुसार पक्राउ पर्नेमा ६ वर्षको छोरालाई निर्घात कुटपिट गरी घाइते बनाउने बिर्तामोड-५ बस्ने २५ वर्षीया सुमित्रा लामगादे रहेकी छन् ।
उनले छोरालाई चक्कु र ब्लेड प्रयोग गरेर यातना दिने गरेको पाइएको छ । बिर्तामोड नगरउपप्रमुख नगेन्द्रप्रसाद संग्रौलासहितको टोलीले बलाकको उद्धार गरेको हो ।
शनिबार दिउँसो ४ बजे सुमित्राले आफ्ना छोरा रुक्सन लामगादेलाई निर्घात कुटपिट गरेकी थिइन् । रुक्सनको शरीरको विभिन्न भागमा निलडाम तथा चोट लागेको छ ।
