धरानबाट प्रतिबन्धित लागू औषध सहित एक जना पक्राउ
सुनसरी, चैत ११ गते । सुनसरीको धरान उप-महानगरपालिका-१५ बाट प्रतिबन्धित लागू औषध सहित १ जनालाई प्रहरीले पक्राउ गरेको छ ।
चैत १० गते विशेष सूचनाको आधारमा कोशी प्रदेश प्रहरी कार्यालय विराटनगरको प्रादेशिक अनुसन्धान समुह PIT र इलाका प्रहरी कार्यालय धरानबाट खटिएको प्रहरी टोलीले सोही स्थानका २९ बर्षीय अनिल लिम्बुलाई ट्रामाडोल ४ हजार १ सय ४६ क्याप्सुल, स्पास्पेन र डिकोलिक गरी ४ हजार २ सय २८ ट्याब्लेट सहित फेला पारी नियन्त्रणमा लिएको हो ।
पक्राउ परेकाको थप अनुसन्धान भईरहेको छ ।
