धनकुटा सहित कोशीका विभिन्न जिल्लाबाट ७ जना पक्राउ
विराटनगर, चैत १९ गते । झापा, मोरङ, धनकुटा र उदयपुर जिल्लाको विभिन्न स्थानहरुबाट लागु औषध सहित ७ जनालाई प्रहरीले पक्राउ गरेको छ ।
चैत १८ गते झापाको मेचिनगर नगरपालिका-६ स्थितमा लागु औषध नियन्त्रण व्यूरो काकडभिट्टाबाट खटिएको प्रहरी टोलीले स्थानिय बिजय तिवारीलाई ४२० मिलिग्राम ब्राउन सुगर सहित, वडा प्रहरी कार्यालय भद्रपुरले बा ८७ प ३७६ नम्बरको मोटरसाईकल चालक हल्दिबारी गाउँपालिका-२ बस्ने राजिव कुमार राजवंशी र पछाडि सवार शिव प्रसाद गौतमलाई ५ ग्राम ८०० मिलिग्राम ब्राउन सुगर सहित, भारत देश सुपोलका अमर कुमारलाई २ ग्राम ५५० मिलिग्राम ब्राउन सुगर सहित पक्राउ गरेको छ भने मोरङको इलाका प्रहरी कार्यालय उर्लाबारीले उर्लाबारी नगरपालिका-७ स्थितमा स्थानिय सागर तामाङलाई २०० मिलिग्राम ब्राउन सुगर सहित नियन्त्रणमा लिएको छ ।
त्यसैगरी जिल्ला प्रहरी धनकुटाले धनकुटा नगरपालिका-९ स्थितमा शहिदभूमी गाँउपालिका-७ बस्ने शुसान राईले प्रदेश १-०२-०४७ प ६९८१ नम्बरको मोटरसाईकलमा ल्याउदै गरेको १९ किलो ८५० ग्राम लागु औषध गाँजा सहित पक्राउ गरिएको छ र को २१ प ९५६५ नम्बरको मोटरसाईकलबाट २४ किलो १४० ग्राम गाँजा फेला पारी चालकको खोजतलास भइरहेको छ भने जिल्ला प्रहरी कार्यालय उदयपुरले त्रियुगा नगरपालिका-१० स्थितमा चौदण्डीगडी नगरपालिका-२ का प्रकाश दर्जीको साथबाट १ ग्राम ४५ मिलिग्राम ब्राउन सुगर फेला पारी नियन्त्रणमा लिएको छ ।
पक्राउ परेको सबैजनाको थप अनुसन्धान भई रहेको छ ।
