सुनसरीबाट प्रतिबन्धित लागू औषध १६ हजार ८ सय क्याप्सुल सहित एक जना पक्राउ
सुनसरी,चैत २० गते । सुनसरीको कोशी गाउँपालिका-१ लौकही चोक स्थितबाट प्रतिबन्धित लागू औषध १६ हजार ८ सय क्याप्सुल सहित १ जना पक्राउ परेका छन् ।
सुनसरीको इलाका प्रहरी कार्यालय लौकहिबाट चेकजाँचमा खटिएको प्रहरी टोलीले कोशी गाउँपालिका-२ का २५ वर्षिय संजय कुमार यादवलाई चेकजाँचको क्रममा प्रतिबन्धित लागू औषध १६ हजार ८ सय क्याप्सुल सहित पक्राउ गरेको हो ।
पक्राउ परेका यादवको सम्बन्धमा जिल्ला प्रहरी कार्यालय सुनसरीबाट थप अनुसन्धान भई रहेको छ ।
