ग्यास सिलिन्डर लिक भएर आगलागी, ३ जना घाइते
जाजरकोट । जाजरकोट जिल्लाको नलगाड नगरपालिका–२ छेप्का स्थित एक घरमा ग्यास सिलिन्डर लिक हुँदा आगलागी भएको छ।
मिति २०८२ साल चैत २९ गते बिहान करिब १०:०० बजे थालु प्रसाद जैशीको घरको भान्सा कोठामा खाना पकाउने क्रममा ग्यास सिलिन्डर लिक भई आगलागी भएको हो।
आगलागीबाट घरमा रहेका ३ जना घाइते भएका छन्। घाइते हुनेमा थालु प्रसाद जैशीकी ४२ वर्षीया श्रीमती माया जैशी (गम्भीर), २२ वर्षीय छोरा गणेश गौतम (मध्यम) र ३७ वर्षीया साली रुपा जैशी (गम्भीर) रहेका छन्।
घाइतेहरूको स्थानीय स्वास्थ्य संस्थामा उपचार भइरहेको जनाइएको छ। आगलागीपछि स्थानीयवासी र सुरक्षाकर्मीको सहयोगमा आगो नियन्त्रणमा लिइएको थियो।
घटनाबारे थप अनुसन्धान भइरहेको प्रहरीले जनाएको छ।
