झापा र सुनसरीबाट लागू औषध ब्राउन सुगर सहित ६ जना पक्राउ
विरानटगर, चैत ३० गते । झापा र सुनसरीबाट लागू औषध ब्राउन सुगर सहित ६ जनालाई प्रहरीले पक्राउ गरेको छ ।
चैत २९ गते बिशेष सूचनाको आधारमा झापाको इलाका प्रहरी कार्यालय गौरीगंजबाट खटिएको प्रहरी टोलीले गौरीगंज गाउँपालिका-३ का रोशन डोम र गौरादह-८ का पुजन चौधरीलाई ४ सय ७० मिलिग्राम ब्राउन सुगर र ६ ग्राम ७८० मिलिग्राम गाँजा सहित र इलाका प्रहरी कार्यालय गौरादहले गौरादह नगरपालिका-१ का सुरेन्द्र टुडु, सन्तोष ताजपुरिया र अर्पित थापालाई ३४० मिलिग्राम ब्राउन सुगर सहित नियन्त्रणमा लिएको छ ।
त्यसै गरी जिल्ला प्रहरी कार्यालय सुनसरीले इनरुवा नगरपालिका-४ स्थितबाट मोरङ केराबारी- ५ का खगेन्द्र मगरलाई ६ ग्राम ६५ मिलिग्राम ब्राउन सुगर सहित नियन्त्रणमा लिएको छ ।
पक्राउ परेका उनिहरुको थप अनुसन्धान भईरहेको छ ।
