स्रोत नखुलेको ५ लाख ७७ हजार सहित २ जना पक्राउ
सन्जय मिश्रा/रौतहट, ५ बैशाख । रौतहटमा स्रोत नखुलेको नगदसहित दुई जना पक्राउ परेका छन्।
सशस्त्र प्रहरी बल नेपाल, बीओपी बेलबिछवाबाट खटिएको सीमा गस्ती टोलीले राजदेवी नगरपालिका–८, सोफियामाई क्षेत्रबाट भारतबाट नेपालतर्फ आउँदै गरेको विआर ०६ एक ६२९२ नम्बरको मोटरसाइकल जाँच गर्ने क्रममा नेपाली ५ लाख २२ हजार ४९० रुपैयाँ बरामद गरेको हो।
पक्राउ पर्नेमा भारत, बिहार सितामढीका ४५ वर्षीय नजिर नट र सर्लाहीका ५५ वर्षीय मुम्ताज अन्सारी रहेका छन्। नटको साथबाट ३ लाख २२ हजार र अन्सारीको साथबाट २ लाख ४ हजार ४९० रुपैयाँ बरामद भएको सशस्त्र प्रहरी सीमा सुरक्षा गुल्म गौरका गुल्मपति डीएसपी प्रेम सागर बिष्टले जानकारी दिएका छन ।
बरामद रकमको स्रोत खुलाउन नसकेपछि दुवैजनालाई मोटरसाइकल र नगदसहित नियन्त्रणमा लिएर आवश्यक कारबाहीका लागि जिल्ला भन्सार कार्यालय गौरमा बुझाइएको उनले बताईएको छ।
