मोरङको कानेपोखरीमा दूध बोकेको गाडी दुर्घटना, दुई जना घाइते
मोरङ । मोरङको कानेपोखरी गाउँपालिका–७ स्थित कानेपोखरी–रंगेली सडकखण्डको जङ्गल क्षेत्रमा दूधजन्य पदार्थ बोकेको गाडी दुर्घटनामा परेको छ।
कानेपोखरी–२ मा रहेको नवदुर्गा डेरी उद्योगबाट छुटेको प्रदेश १-०४-००१-४९२ नम्बरको गाडी आज दुर्घटनामा परेको हो। दुर्घटनामा गाडी चालक र सहचालक घाइते भएका छन्।
घाइतेहुनेहरूमा कानेपोखरी–३ का ३१ वर्षीय चालक नवराज गेलाल र बेलबारी–७, दौलतपुरका ३४ वर्षीय सहचालक कमल काफ्ले रहेका छन्। दुर्घटनामा गेलाल सामान्य घाइते भएका छन् भने काफ्ले गम्भीर घाइते भएका छन्।
दुवै घाइतेको हाल विराटनगरस्थित अस्पतालमा उपचार भइरहेको प्रहरीले जनाएको छ। दुर्घटनाको कारणबारे थप अनुसन्धान भइरहेको छ।
