प्रधानमन्त्री नै उपस्थित नहुने हो भने यस्तो बैठकको अर्थ छैन भन्ने आशय व्यक्त गर्दै हर्क साम्पांगले गरे बैठक बहिष्कार
काठमाडौं । प्रधानमन्त्री बालेन शाह प्रतिनिधिसभामा उपस्थित नभएपछि श्रम संस्कृति पार्टीका अध्यक्ष हर्क साम्पाङ सहितका सांसदहरूले आजको प्रतिनिधिसभा बैठक बहिष्कार गरेका छन् ।
आगामी आर्थिक वर्ष २०८३/८४ को नीति तथा कार्यक्रममाथि उठेका प्रश्नहरूको जवाफ प्रधानमन्त्री स्वयंले दिनुपर्ने माग गर्दै उनीहरू बैठक छाडेर बाहिरिएका हुन् ।
संसद् सचिवालयले प्रधानमन्त्री शाहले सांसदहरूको प्रश्नको जवाफ दिने कार्यसूची सार्वजनिक गरेको भए पनि अन्तिम समयमा उक्त जवाफ अर्थमन्त्री डा. स्वर्णिम वाग्ले ले दिने तयारी भएपछि विपक्षी सांसदहरूले आपत्ति जनाएका थिए ।
त्यसपछि विपक्षी दलका सांसदहरूले संसद्मा नाराबाजी गर्दै प्रधानमन्त्रीको अनुपस्थितिप्रति विरोध जनाएका छन् । उनीहरूले प्रधानमन्त्रीले संसद्लाई बेवास्ता गरेको आरोप लगाउँदै राजीनामासमेत माग गरेका छन् ।
यसैबीच, हर्क साम्पाङले “प्रधानमन्त्री नै उपस्थित नहुने हो भने यस्तो बैठकको अर्थ छैन” भन्ने आशय व्यक्त गर्दै बैठक बहिष्कार गरेका हुन् ।
