करेन्ट चाउचाउ गुणस्तरहीन, बजारवाट फिर्ता गर्न आदेश
काठमाडौं, ३१ बैशाख । करेन्ट चाउचाउ गुणस्तरहीन भए पछि बजारवाट फिर्ता गर्न आदेश दिइएकाे छ ।
खाद्य प्रविधि तथा गुण नियन्त्रण विभागले एशोधा फुड्स प्रालिद्वारा उत्पादित २ ब्रान्डलाई तत्काल बजारबाट फिर्ता गर्न आदेश दिएको छ ।
समाचार अनुसार १०० ग्रामवाला करेन्ट नुडल्स र ५० ग्रामको लाली चाउचाउलाई बजारबाट फिर्ता गर्न आदेश दिएको हो ।
यी दुवै खाद्य पदार्थमा सरकारले तोकेको अनिवार्य गुणस्तर मापदण्ड अनुरुप एक्सट्राक्टेड फ्याटको एसिड भ्यालु नपाइएको विभागले जनाएको छ ।
त्यस्तै, एसियन बिस्कुट एण्ड कन्फेक्सनरी प्रालि दुहबी सुनसरीद्वारा उत्पादित ज्याकन्याक क्रेकर्स बिस्कुट पनि गुणस्तरहीन पाइएको छ । सो पनि बजारबाट फिर्ता गर्न आदेश गरिएको छ ।
