दलित अधिकार सम्बन्धमा छलफल तथा अन्तरक्रिया
विराटनगर, जेष्ठ ०३ गते । कोशी प्रदेश प्रहरी कार्यालय विराटनगरको सभाहलमा जातिय भेदभावका घटना तथा दलित अधिकार सम्बन्धमा छलफल तथा अन्तरक्रिया कार्यक्रम सम्पन्न भएको छ ।
राष्ट्रिय दलित आयोगका अध्यक्ष देवराज विश्वकर्माको प्रमुख आतिथ्यतामा भएको कार्यक्रममा आयोगका माननीय सदस्य सुन्दर पुर्कुटीज्यू तथा कोशी प्रदेश प्रहरी प्रमुख प्रहरी नायव महानिरीक्षक विनोद घिमिरे, प्रहरी वरिष्ठ उपरीक्षक योगेन्द्र सिंह थापा, जिल्ला प्रहरी कार्यालय मोरङ र सुनसरीका जिल्ला प्रहरी प्रमुख सहितको टोलीसंग जातिय भेदभावका घटना तथा दलित अधिकार सम्बन्धमा भएका काम कारवाही र दलित समुदायका समस्याका बारेमा छलफल तथा अन्तरक्रिया कार्यक्रम भएको छ ।
कोशी प्रदेश प्रहरी कार्यालयको तर्फबाट प्रहरी नायव उपरीक्षक राम प्रसाद तिमल्सिनाले कोशी प्रदेशमा जातिय विभेद अन्त्यका लागी प्रहरीद्वारा भएका प्रयासहरुको बारेमा प्रस्तुतिकरण गर्नु भएको थियो ।
