एसइई परीक्षामा उत्कृष्ट नतिजा हासिल गर्ने विद्यार्थीहरू सम्मानित
भैरहवा, ०४ जेठ । सिद्धार्थनगरमा यस वर्षको एसइई परीक्षामा उत्कृष्ट नतिजा ल्याउने विद्यार्थीलाई प्याब्सनले सम्मान गरेको छ। १८ विद्यालयका करिब ३०० विद्यार्थी सम्मानित हुँदा २ जना विद्यार्थीले ४ जीपीए प्राप्त गरेर विशेष सफलता हासिल गरेका छन्।
निजी तथा आवासीय विद्यालय अर्गनाइजेसन नेपाल ९प्याब्सन० सिद्धार्थनगरद्वारा आयोजित कार्यक्रममा प्याब्सनमा आबद्ध २६ विद्यालयमध्ये १८ विद्यालयका ७८५ विद्यार्थीमध्ये ६७५ जना उत्तीर्ण भएको जानकारी दिइयो। ३।२ जीपीएभन्दा माथि ल्याउने विद्यार्थीलाई सम्मान गरिएको कार्यक्रममा सिद्धार्थनगर नगरपालिकाकी उपप्रमुख उमा अधिकारीले विद्यार्थीलाई अनावश्यक दबाब नदिन आग्रह गर्दै शिक्षा केवल अंकका लागि नभई असल र सफल व्यक्ति बन्ने माध्यम भएको बताइन्।
प्याब्सन सिद्धार्थनगरका अध्यक्ष उदयकुमार मल्लिकले विद्यार्थी, अभिभावक, शिक्षक, विद्यालय प्रशासन तथा समाज–सरकारको सहकार्यले राम्रो नतिजा सम्भव भएको बताए। उनका अनुसार हाल सिद्धार्थनगरको उत्तीर्ण प्रतिशत ८६ रहेको छ भने १४ प्रतिशत विद्यार्थी नन–ग्रेड भएका छन्। उनले आगामी वर्षमा नन–ग्रेड संख्या शून्यमा झार्दै शतप्रतिशत नतिजा हासिल गर्ने प्रतिबद्धता व्यक्त गरे।
