कान्सको रेडकार्पेटमा हाकुपटासीमा देखिइन् सुनिता डंगोल
काठमाडौं, ६ जेठ । काठमाडौं महानगरपालिकाकी कार्यवाहक मेयर सुनिता डंगोल हाकु पटासी पोशाकसहित रेड कार्पेटमा देखिएकी छिन् ।
जारी ७९ औं कान्स महोत्सवमा परम्परागत नेवारी पहिरनमा रातो कार्पेटमा हिँडेर कार्यबहाक मेयर डंगोलले विश्वव्यापी मञ्चमा नेपालको सांस्कृतिक पहिचान (नेवारी पोशाक) प्रदर्शन गरेकी हुन् ।
उनलाई कान्सका मेयर डेभिड लिस्नार्डले पनि स्वागत गरेका थिए, जसले दुई युनेस्को क्रिएटिभ सिटी अफ फिल्म बीचको सम्बन्धलाई सुदृढ बनाउन सफल भएको जनाइएको छ ।
डंगोलको भ्रमणले विश्वव्यापी सिनेमा र सांस्कृतिक आदानप्रदानमा काठमाडौंको बढ्दो उपस्थितिलाई उजागर गरेको प्रतिक्रियाहरू उनका फ्यानले दिएका छन् ।
