प्रेस स्वतन्त्रता भनेको स्वच्छन्दता होइन्ः सञ्चारमन्त्री तिमल्सिना
काठमाडौं, ६ जेठ । सुचना तथा सञ्चार मन्त्री बिक्रम तिमल्सिनाले प्रेस स्वतन्त्रताको नाममा ‘स्वच्छन्दता’ नहुन अनुरोध गरेका छन् ।
प्रतिनिधिसभाको जारी अधिवेसनमा सांसदहरूले सोधेका र चासो राखेको बिषयमा जवाफ दिदैँ सञ्चारमन्त्री तिमल्सिनाले स्वतन्त्र प्रेस प्रति सरकार अनुदार र निरंकुश कहिल्यै नहुने पनि प्रतिबद्दता जनाएका छन् ।
‘कतिपय माननीयज्यूले सरकार प्रेस प्रति निरकुंश चरित्र निभाएको, संकुचित र नियन्त्रण गर्न खोजेको हो कि भनेर प्रश्न उठाउनु भएको छ, म यहीबाट भन्न चाहान्छु, स्वतन्त्र प्रेस प्रति सरकारको पुर्ण प्रतिबद्द छ, यो संबिधानले दिएको नै अधिकार हो, यो स्वतन्त्रता आज, भोली र पर्सी पनि रहनेछ,’ मन्त्री तिमल्सिनाले भने, ‘तर, प्रेस स्वतन्त्रता भनेको स्वच्छन्दता भने होइन, अहिले पनि ढुक्क भएर पत्रकार साथीहरूले आफ्नो गरिमा र सिमा भित्र रहेर स्वतन्त्र रूपमा काम गर्न सक्नुहुन्छ ।’
उनले प्रेस काउन्सिललाई सशक्त बनाउने र क्षमता अभिबृद्दी बढाउनका लागि काम गरिरहेको जनाउँदै नेपाली मौलिक चलचित्रलाइ बजेट दिएर प्रोत्सहान दिने सरकारको नीति रहेको भन्दै त्यसका लागि बजेट नै छुटयाउन लागेको पनि उनले जानकारी दिएका छन् ।
उनका अनुसार एआइ बिधेयक तयारी र तर्जुमा भइरहेको छ भने हेटौडा र कोहलपुरमा डाटा सेन्टर बनाएर तथा क्षमता बृद्दी गरेर सरकारी वेभसाइटको क्षमता बृद्दी गरिन लागेको उनले बताए । इन्टरनेट गतिमा बृद्दी गराउनका लागि सरकार लागि परेको पनि उनले जानकारी दिएका छन् ।
