सुनसरीको धरानमा बोतल प्रहारबाट गम्भीर घाइते भएकी एक महिलाको उपचारका क्रममा मृत्यु
सुनसरी । सुनसरीको धरान उपमहानगरपालिका–१५ बगरकोट क्षेत्रमा भएको झै–झगडामा बोतल प्रहारबाट गम्भीर घाइते भएकी एक महिलाको उपचारका क्रममा मृत्यु भएको छ।
मृत्यु हुनेमा धरान–१५ निवासी ४९ वर्षीया सरु नेम्वाङ रहेको प्रहरीले जनाएको छ। उनी गत वैशाख २८ गते साँझ भएको विवादका क्रममा बोतल प्रहारबाट गम्भीर घाइते भएकी थिइन्। उपचारकै क्रममा गएराति उनको मृत्यु भएको हो।
घटनामा संलग्न रहेको आरोपमा धरान–१५ कै ३८ वर्षीय अशोक लिम्बू र ३३ वर्षीय बुद्धवीर लिम्बूलाई प्रहरीले पक्राउ गरेको छ।
दुवैलाई इलाका प्रहरी कार्यालय धरानको नियन्त्रणमा राखिएको छ भने घटनाबारे थप अनुसन्धान भइरहेको प्रहरीले जनाएको छ।
