मोरङको बेलबारीमा मोटरसाइकल चोरीमा संलग्न दुई युवा पक्राउ
मोरङ, जेठ १६ । मोरङको बेलबारी नगरपालिका–५ स्थित मित्री सडक खण्डबाट चोरीको मोटरसाइकलसहित दुई जना युवालाई प्रहरीले नियन्त्रणमा लिएको छ।
जिल्ला प्रहरी कार्यालय मोरङका अनुसार जेठ १६ गते दिउँसो करिब १:०० बजे शंकास्पद अवस्थामा रोकिराखिएको कालो–रातो रंगको पल्सर मोटरसाइकलमाथि इलाका प्रहरी कार्यालय बेलबारीबाट खटिएको टोलीले जाँच तथा अनुसन्धान गरेको थियो।
प्रहरीको अनुसन्धानका क्रममा उक्त मोटरसाइकल इटहरी क्षेत्रबाट चोरी गरी ल्याइएको खुल्न आएको प्रहरीले जनाएको छ। त्यसपछि मोटरसाइकलसहित चालक मोरङको बेलबारी नगरपालिका–३ बस्ने २१ वर्षीय सुरज विक र मोटरसाइकलको पछाडि सवार २१ वर्षीय अनिश परियार लाई नियन्त्रणमा लिइएको हो।
दुवै जनामाथि इलाका प्रहरी कार्यालय बेलबारीमा थप अनुसन्धान भइरहेको जिल्ला प्रहरी कार्यालय मोरङले जनाएको छ।
