विराटनगरको मलाया रोडमा पुरुष बेवारिसे अवस्थामा फेला
विराटनगर, जेठ १७ — विराटनगर महानगरपालिका–१५ रानीस्थित मलाया रोड क्षेत्रमा एक पुरुष बेवारिसे अवस्थामा फेला परेका छन्।
प्रारम्भिक जानकारीअनुसार फेला परेका व्यक्तिको नाम नागेन्द्र चौहान रहेको खुलेको छ। उनी स्थायी रूपमा विराटनगर महानगरपालिका–१८ झटियाही निवासी हुन्। हाल भने उनी विराटनगर–१५ हरिनगर भट्टास्थित एक व्यक्तिको घरमा बस्दै आएको बुझिएको छ।
उक्त व्यक्तिलाई बेवारिसे अवस्थामा फेला परेपछि स्थानीयले प्रहरीलाई जानकारी गराएका थिए। घटनाको प्रकृति र कारणबारे यकिन हुन बाँकी रहेको प्रहरीले जनाएको छ।
घटनासम्बन्धी थप विवरण संकलन गर्ने तथा आवश्यक अनुसन्धान अघि बढाउने काम भइरहेको प्रहरीले जनाएको छ।
