झापा र सुनसरीबाट लागू औषध सहित ६ जना पक्राउ
विराटनगर, जेठ १७ गते । झापा र सुनसरी जिल्लाको विभिन्न स्थानहरुबाट जेठ १७ गते लागू औषध सहित ६ जनालाई पक्राउ गरेको छ ।
झापाको मेचीनगर नगरपालिका-६ मेचीडाँडा स्थितबाट लागू औषध नियन्त्रण ब्युरो काँकरभिट्टा र इलाका प्रहरी कार्यालय काँकरभिट्टाबाट खटिएको संयुक्त प्रहरी टोलीले काठमाण्डौका ३२ वर्षीय रोशन कार्कीलाई ४८ ग्राम ६० मिलिग्राम ब्राउन सुगर सहित, मेचीनगर नगरपालिका-१४ लालपानीका ३२ वर्षीय विश्वनाथ राजवंशीलाई २ ग्राम २५० मिलिग्राम ब्राउन सुगर सहित पक्राउ गरेको छ ।
त्यसैगरी सुनसरीको बराहक्षेत्र नगरपालिका-५ स्थितबाट प्रहरी चौकी भरोल सुनसरीले भारत अररियाका २० वर्षीय दयानन्द यादवलाई प्रतिबन्धित लागू औषध ट्रामाडोल-१ हजार ६९० क्याप्सुल, नगद २७ हजार ५ सय सहित पक्राउ गरेको छ भने इलाका प्रहरी कार्यालय इटहरीले २९ वर्षीय अभिषेक चौधरीलाई १ ग्राम ५४० मिलिग्राम ब्राउन सुगर सहित पक्राउ गरेको छ । यस्तै जिल्ला प्रहरी कार्यालय सुनसरीले रामधुनी नगरपालिका-३ का रुपेश चौधरीलाई ५ ग्राम ५५० मिलिग्राम ब्राउन सुगर सहित इनरुवा -३ स्थितबाट पक्राउ गरेको छ भने इटहरी उप-महानगरपालिका-११ सिमरवनाका २० वर्षीय अभिषेक श्रेष्ठलाई ट्रामाडोल-९८० क्याप्सुल, डिसाइक्लोमाइन -१ हजार १८० ट्याब्लेट, सहित प्रहरी चौकी खनारले पक्राउ गरेको छ ।
पक्राउ परेका सबैजनाको थप अनुसन्धान भई रहेको छ ।
