१० वर्ष कैद सजाय तोकिएका संखुवासभाका फरार प्रतिवादी मोरङको सुन्दरहरैँचाबाट पक्राउ
संखुवासभा, जेठ २० – जबरजस्ती करणी मुद्दामा १० वर्ष कैद सजाय तोकिएका फरार प्रतिवादीलाई प्रहरीले पक्राउ गरेको छ।
जिल्ला प्रहरी कार्यालय संखुवासभाका अनुसार संखुवासभा जिल्ला अदालतको आदेशअनुसार १० वर्ष कैद सजाय भई फरार रहेका पाँचखपन नगरपालिका–५ का ५६ वर्षीय दुर्ण प्रसाद पोखरेललाई पक्राउ गरिएको हो।
प्रहरीले फरार प्रतिवादीको खोजतलास गर्ने क्रममा इलाका प्रहरी कार्यालय रानीगञ्ज, मोरङबाट खटिएको टोलीले उनलाई जेठ १९ गते मोरङको सुन्दरहरैँचा नगरपालिका–७ बाट पक्राउ गरेको जनाएको छ।
पक्राउ परेका पोखरेललाई फैसला कार्यान्वयनका लागि बुधबार संखुवासभा जिल्ला अदालतमा उपस्थित गराइएको जिल्ला प्रहरी कार्यालय संखुवासभाले जनाएको छ।
