दमककी रमा तिवारी हत्या प्रकरणका अभियुक्त सार्वजनिक
झापा । झापाको दमकमा २१ वर्षीया रमा तिवारीको हत्या घटनामा संलग्न रहेको आरोपमा भारतीय नागरिक पक्राउ परेका छन्।
प्रहरीले सार्वजनिक गरेको विवरणअनुसार भारतको अररिया जिल्ला अन्तर्गत ग्राम पंचायत सिरसिंयाकला घर भई हाल झापाको दमक नगरपालिका–५ मा डेरा गरी बस्दै आएका ३४ वर्षीय राकेश कुमार पण्डित घटनामा संलग्न रहेको जनाएको छ।
प्रहरीका अनुसार घटनाको अनुसन्धानका क्रममा संकलित प्रमाणका आधारमा उनलाई पक्राउ गरिएको हो। घटनाबारे थप अनुसन्धान भइरहेको प्रहरीले जनाएको छ।
यसअघि सार्वजनिक जानकारीअनुसार मृतक र अभियुक्तबीच पहिलेदेखि चिनजान रहेको र उनीहरूबीच भएको विवादपछि हत्या भएको प्रारम्भिक अनुसन्धानबाट खुलेको बताइएको छ।
