मोरङको रतुवामाईबाट खैरो हिरोइन सहित एक जना पक्राउ
मोरङ । मोरङको रतुवामाई नगरपालिका–८ सुबेदी चोकबाट प्रहरीले खैरो हिरोइनसहित एक जनालाई पक्राउ गरेको छ।
मंगलबार राति करिब १० बजे इलाका प्रहरी कार्यालय सिजुवाबाट खटिएको प्रहरी टोलीले विशेष सूचनाका आधारमा स्थानीय ३५ वर्षीय कर्णबहादुर थापाको घरमा खानतलासी गरेको थियो।
खानतलासीका क्रममा थापाको घरको कोठामा लुकाइछिपाइ राखिएको अवस्थामा लागू औषध खैरो हिरोइन जस्तो देखिने पदार्थ ३ ग्राम ८३० मिलिग्राम बरामद भएको प्रहरीले जनाएको छ।
प्रहरीले थापालाई नियन्त्रणमा लिएर इलाका प्रहरी कार्यालय सिजुवामा राखी लागू औषध सम्बन्धी कसुरमा थप अनुसन्धान अघि बढाएको जनाएको छ।
