इलाममा ट्याक्सी दुर्घटना : एक महिला घाइते
इलाम । इलाम नगरपालिका–११ सोयाकस्थित सिर्कोट मुनि निर्फुक माथिको सखुवाघारी क्षेत्रमा आइतबार ट्याक्सी दुर्घटना भएको छ।
मंगलबारेबाट दमकतर्फ जाँदै गरेको मे १ ज २४७६ नम्बरको ट्याक्सी चिप्लिएर सडकमा पल्टिएको हो।
दुर्घटनामा ट्याक्सीमा सवार एक महिलाको टाउकोमा सामान्य चोट लागेको बताइएको छ। घाइतेको अवस्था सामान्य रहेको छ भने उनको आवश्यक उपचार भइरहेको जनाइएको छ।
ट्याक्सीमा सवार अन्य यात्रु तथा चालक भने सकुशल रहेका छन्। दुर्घटनाको कारणबारे थप जानकारी संकलन भइरहेको प्रहरीले जनाएको छ।
