जुवातास खेलिरहेको अवस्थामा १२ जना पक्राउ
पर्सा, १ असार । जुवातास खेलिरहेको अवस्थामा १२ जना पक्राउ परेका छन् ।
सखुवा प्रसौनी गाउँपालिका–२ श्रीपुर बजार बस्ने ६६ वर्षीय हरि धामीको चिया पसलमा जुवातास खेलिरहेको अवस्थामा हरि समेत १२ जनालाई आइतबार दिउँसो प्रहरीले पक्राउ गरेको छ ।
इलाका प्रहरी कार्यालय पटेर्वासुगौलीबाट खटिएको प्रहरीले उनीहरूलाई नगद ४१ हजार ३ सय ३५ रूपैयाँ र ५ बुक तास सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
