मोरङको कोचनी खोलामा बेपत्ता भएकी बालिका मृत फेला
मोरङ, असार ९ गते । मोरङको रंगेली नगरपालिका–१ स्थित कोचनी खोलामा डुबेर बेपत्ता भएकी एक बालिका मृत अवस्थामा फेला परेकी छन् ।
रंगेली–१ का अनिल खवासकी ७ वर्षीया छोरी एलिना खवासको शव फेला परेको मोरङ प्रहरीले जनाएको छ ।
प्रहरीका अनुसार एलिना स्थानीय सञ्जीव चौधरीकी ८ वर्षीया छोरी साबिती चौधरीसँग सोमबार साँझ कोचनी खोलामा पौडी खेल्न गएकी थिइन् । सोही क्रममा डुबेर उनी बेपत्ता भएकी हुन् ।
खोजी अभियानका क्रममा राति करिब ११ बजे बेपत्ता भएको स्थानबाट करिब सय मिटर तल स्थानीय बासिन्दाले बालिकाको शव फेला पारेका मोरङ प्रहरीका सूचना अधिकारी डीएसपी मकेन्द्रकुमार मिश्रले जानकारी दिनुभयो ।
घटनाबारे थप अनुसन्धान भइरहेको प्रहरीले जनाएको छ ।
