नावा खोलामा बाढी आएपछि तमोर–कोरिडोर सडक पूर्ण रूपमा अवरुद्ध
पांचथर । नावा खोलामा अविरल वर्षापछि पानीको बहाव बढ्दा तमोर–कोरिडोर सडक पूर्ण रूपमा अवरुद्ध भएको छ।
तुम्बेवा गाउँपालिका–२ स्थित नावा खोलामा बिहीबार बिहान करिब ५:२० बजे आएको बाढीका कारण सडक अवरुद्ध भएको जिल्ला प्रहरी कार्यालय पाँचथरले जनाएको छ।
प्रहरीका अनुसार सडक अवरुद्ध भएपछि उक्त सडकखण्डमा सवारी आवागमन पूर्ण रूपमा ठप्प भएको छ। सडक सञ्चालनका लागि सम्बन्धित निकायसँग समन्वय भइरहेको प्रहरीले जनाएको छ।
यात्रुलाई वैकल्पिक मार्ग अपनाउन तथा आवश्यक सतर्कता अपनाउन आग्रह गरिएको छ।
