मोरङमा जबरजस्ती करणी आरोपमा एक जना पक्राउ
मोरङ । मोरङ प्रहरीले जबरजस्ती करणी आरोपमा एक जनालाई पक्राउ गरेको छ।
जिल्ला प्रहरी कार्यालय मोरङका अनुसार साउन १६ गते राति लेटाङ नगरपालिका–९ स्थित दिदी–भिनाजुको घरमा बस्दै आएकी एक महिलामाथि सोही स्थानका ३४ वर्षीय गंगा बहादुर गुरुङ (आदित्य) ले जबरजस्ती करणी गरेको आरोप लागेको हो।
प्रहरीका अनुसार आरोपित गुरुङले पीडितलाई उनी बसेकै घरको कोठामा लगेर मुख थुनी इच्छाविपरीत जबरजस्ती करणी गरेको भन्दै पीडितले इलाका प्रहरी कार्यालय लेटाङमा जाहेरी दिएकी थिइन्।
उक्त जाहेरीका आधारमा इलाका प्रहरी कार्यालय लेटाङबाट खटिएको प्रहरी टोलीले गंगा बहादुर गुरुङलाई पक्राउ गरेको हो।
प्रहरीले उनीविरुद्ध जबरजस्ती करणी सम्बन्धी कसुरमा मुद्दा दर्ता गरी थप अनुसन्धान भइरहेको जनाएको छ।
